Bybelstudie:

Handelinge 18

1. Hoe het die Romeine oor Jesus en die boodskap oor Hom gevoel (vers 12-17)?
2. Hoe sou Paulus gevoel het oor sy sending in Korinte (1 Kor. 2:3)?  Hoe sou die visioen van God en die geskenk van die mense in Filippi hom laat voel het?
3. Dink jy dat gewone gelowiges ook oor hul werk/besigheid moet dink as iets wat dit vir hulle moontlik maak om God se Woord te versprei?  Dink ons so?
4. Wat se prentjie word vir ons geskets van Priscilla en Akwila?  Hoe word Apollos uitgebeeld (v.24-26)?
5. Watter invloed het Apollos in Agaje en spesifiek in Korinte (v.27-28 en 1 Kor.3:4-6) gehad?
6. Hoe het Priscilla en Akwila vir Apollos bygestaan?  Wat vertel dit vir julle oor die rol van vroue in die Nuwe Testament?
7. Hoe balanseer jou gemeente die evangelisasie van ongelowiges met die opbou en toerusting van gelowiges?

Bybelstudie:

Handelinge 17

1. Hierdie is die sesde keer dat Paulus uit ‘n gebied moet vlug a.g.v. vervolging?  Hoe sou dit jou beïnvloed het as jy Paulus was?  Wat is sy reaksie?
2. Kyk ‘n bietjie of julle meer inligting oor die Epikureërs en Stoïsyne kan kry (julle kan selfs die dominees bel – hoop hulle weet iets!!).  Wat beklemtoon Paulus in sy toespraak by hulle?  Hoe hou dit verband met wat hulle glo?
3. Hoe verskil hierdie boodskap van Paulus van die een wat ons in 13:16-41 kry?  Paulus gebruik nie teksverwysings in hierdie gedeelte nie.  Is dit ‘n sterk- of swakpunt?
4. Hoe stem hierdie boodskappe ooreen in wat hulle van Jesus sê?
5. Hoe vergelyk Atene, Berea en Tessalonika se reaksie op die boodskap wat Paulus bring?
6. Wat kan ons van Paulus se manier van praat met mense leer vir ons eie getuienis?

Bybelstudie:

Handelinge 16

1. Waarom verander die persoonlike voornaamwoorde in hierdie hoofstuk van “hulle” (vers 8) na “ons” (vers 10)?  As ‘n mens in ag neem dat Lukas hierdie boek geskryf het (1:3-4), wat sê dit van hom?
2. Vergelyk vers 13 met hoofstuk 14:1 en ook hoofstuk 17:2.  Waarom is dit belangrik om te weet dat daar nie ‘n sinagoge in Filippi was nie?  Hoe het dit Paulus se strategie verander om met die mense oor Jesus te praat?
3. Wat staan vir julle uit van Lidia se beroep en bekering?  Hoe het God jou hart oopgemaak  om op die evangelie te reageer?
4. Wat is die gevolg van die tronkbewaarder se bekering?  Hoe kry sy bekering dus uitdrukking in hierdie hoofstuk?
5. Die slavin se eienaars het finansieel skade gelei a.g.v. Paulus en Silas se optrede.  Wat kos jou christenskap vir jou?  Christenskap kos altyd iets, daarom sê Jesus self dat ons ons kruis moet opneem om hom te volg.